Pasditen e djeshme ka ndodhur një aksident në rrugën “Gjorçe Petrov” në Shkup. Nga MPB thonë se një person është lënduar rëndë nga aksidenti. Një grua në një veturë me targa të Tetovës ka humbur kontrollin dhe ka goditur makinat e parkuara të një auto salloni.
“Më 19.08.2023, rreth orës 17:35, në SPB-Shkup është raportuar se në rrugën “Gjorçe Petrov” në Shkup, automjeti i pasagjerëve “Volkswagen Golf” me targa të Tetovës, i drejtuar nga S.I.(54) nga Tetova ka dalë nga rruga dhe ka goditur automjetet e parkuara në një autosallon. Sipas denoncimit të 54-vjeçares, ajo ka humbur kontrollin e automjetit pasi një automjet tjetër, i cili është larguar nga vendi i ngjarjes, i ka penguar lëvizjen. Pas aksidentit S.I. dhe shoqëruesit e saj A.A.(81) dhe M.A.(80), të dy nga Shkupi, janë transferuar në Spitalin e Përgjithshëm të qytetit “8 Shtatori” ku mjeku personit A.A. i ka konstatuar lëndime të rënda fizike ndërsa te S.I. dhe M.A. u konstatuan lëndime fizike”, thonë nga MPB.
Discussion about this post