25/06/2024

Hëna mund të jetë 4.4 mld vjeçare. Deri më sot, bota shkencore supozonte se sateliti ynë është formuar rreth 40 mln vite më parë, por së fundmi një grup shkencëtarësh i është rikthyer studimit të kristaleve të marra nga hëna nga misioni Apollo 17 i vitit 1972, misioni i fundit i NASA-s atje.

Kampionet janë analizuar në nivel atomik dhe grupi kërkimor i Universitetit të Chicagos nënvizon rëndësinë e moshës së satelitit të Tokës, meqënëse roli i saj është thelbësor në evolucionin e jetës.

Në konkluzion ata hedhin hipotezën, bazuar në analizat e fundit, se ajo është krijuar 4.4 mld vite më parë, kur mosha e sistemit diellor ishte ende e hershme, që sipas përllogaritjeve, Toka mendohet të jetë krijuar 4.5 mld vite më parë.

Në atë periudhë Toka e re në moshë, mendohet se një trup qiellor në dimensionet e planetit Mars u përplas me globin, dhe nga ky event lindi Hëna. Energjia e impaktit, shkriu shkëmbinjtë që më pas u bënë sipërfaqja e satelitit tonë. Megjithatë kërkimet dhe studimet do të vijonë mbi këto kristale, për të përcaktuar dhe komfirmuar këtë hipotezë.

Klan News