24/05/2024

Ministri i Ekonomisë, Kreshnik Bekteshi, ishte i ftuar sonte në emisionin 10Minuta në TV21. Duke folur për situatën politike dhe zgjedhjet e ardhshme parlamentare, ai tha se shqiptarët e dinë se kush i mbron interesat e tyre duke rikujtuar se LEN-i i sotshëm para një viti e gjysmë ka tentuar të bëj koalicion me Apasievin dhe VMRO-në për të rrëzuar qeverinë aktuale nga pushteti.

“Është çështje e partive opozitare që të merren me propaganda të cilat nuk i takojnë momentit për të cilin flasim, është me rëndësi që ta zhbllokojmë rrugën për në bashkimin evropian dhe jo të bëhen mashë e politikave joevropiane e VMRO-DPMNE që ka probleme konceptuale sa i përket mënyrës sesi duhet të zhvillohet vendi dhe si duhet të drejtohet Maqedonia e Veriut. LEN-i para një viti është fotografuar me VMRO-në dhe Apasievin, koalicioni i 61-it që nuk ndodhi atëherë, por qytetarët e dinë kush i mbron interesat e tyre.”- tha Bekteshi.