08/02/2025

Mbledhja e grupeve punuese të ekspertëve të Ministrive të Punëve të Jashtme të Maqedonisë së Veriut dhe Bullgarisë u zhvillua dje në Shkup. Diskutuan për angazhimet e Marrëveshjes për fqinjësinë e mirë dhe forcimin e bashkëpunimit ndërinstitucional.

Gjatë takimit, të dyja palët u njoftuan me njëra-tjetrën për ecurinë e zbatimit të angazhimeve të ndërmarra në përputhje me Marrëveshjen për fqinjësinë e mirë Protokollet e takimeve të mbajtura nga Komisioni i Përbashkët Ndërqeveritar në përputhje me nenin 12 të Marrëveshjes, thuhet në njoftimin e Ministrisë së Punëve të Jashtme.

Është shtuar se në bisedimet vëmendje të veçantë iu kushtua temave kryesore të dialogut politik dypalësh, aktiviteteve për nxitjen e bashkëpunimit ndërinstitucional dhe komunikimit me qëllim forcimin e besimit reciprok.