Indrit Tuci ka qenë vendimtar për Sparta Pragës, që eliminoi me rezultat të përgjithshëm 6-4 Galatasarayn në raundin play off të Ligës së Evropës.
Sulmuesi shqiptar që kaloi në kampionatin çek në janar, i kanë mjaftuar pak minuta në fushë për të treguar potencialin e tij.
Tuci shënoi në minutën e 74-të për ta dërguar rezultatin në 2-1.
Pas disa minutash, shtatlarti shqiptar dha një asistim perfekt për Lukas Haraslin, që nuk gaboi duke shënuar golin e tretë për Sparta Pragën.
Në minutën e gjashtë shtesë në skenë doli edhe Qazim Laçi me asistimin për Jan Kuchtan që vulosi rezultatin 4-1.
Sparta Praga u kualifikua me rezultat të përgjithshëm 6-4, duke zënë një vend në mesin e 16-të më të mirëve.
