Nga 4 shkurti, Irani ka paralajmëruar heqjen e vizave për qëllime turistike për shtetasit e Serbisë.
Këtë e ka bërë të ditur zëvendësministri i Jashtëm i Iranit, Alireza Bigdeli, raportojnë mediat serbe.
Heqja e vizave për qëllime turistike do të bëhet edhe për Arabinë Saudite, Emiratet e Bashkuara Arabe, Uzbekistanin, Kirgistanin, Brazilin dhe të tjera.
Kjo duket të jetë një kundërpërgjigje ndaj Izraelit, i cili paralajmëroi heqjen e vizave për Kosovën.
Ndryshe, në fund të muajit të kaluar, presidentja e Kosovës, Vjosa Osmani, njoftoi se Izraeli e ka pranuar kërkesën e Kosovës për t’i lejuar kosovarët të udhëtojnë lirshëm drejt vendit të Lindjes së Mesme për qëllime turistike.
Ky vendim i Izraelit – i cili është vendi i fundit që e njohu pavarësinë e Kosovës para rreth tri vjetëve, do të hyjë në fuqi pas nënshkrimit të marrëveshjes.
