-0.2 C
Skopje

Kasami i jep “Besën” VMRO-së, zyrtarizohet koalicioni!

Lëvizja Besa dhe VMRO-DPMNE edhe zyrtarisht kanë lidhur koalicionin në Tetovë, komunë në të cilën do të udhëheqin së bashku këshillin e Komunës.

Informacionet tona zbulojnë se Bilall Kasami ka sakrifikuar tre poste drejtorësh për të arritur këtë koalicion dhe i ka përmbushur të gjitha kërkesat tjera të VMRO-së.

Sipas informacioneve kryetar i këshillit komunal do të vazhdojë të jetë Besar Durmishi i cili detyrën e njëjtë e kishte edhe gjatë këshillit të kaluar.

Në daljen e fundit para mediave Kasami ka pranuar se Lëvizja Besa ka pasur po edhe do të ketë koalicion me VMRO-në.

“Marrëveshje ka, kishim dhe e vazhdojmë. Sot do të zgjidhet kryetari i këshillit”, tha Kasami.

Informatat tona thonë se postet e drejtorëve do të zgjidhen ditët në vijim.