-1.2 C
Skopje

“Kur është në shtëpi s’ka famë, duhet të lajë enët dhe të pastrojë tualetin”, Vera Ora rrëfehet si rrallëherë për Ritën


Rita Ora ka arritur të ndërtojë një karrierë të suksesshme ndërkombëtare. Ajo mbajti një koncert së fundmi në Tiranë, i cili la mbresa të mrekullueshme për të gjithë. Së fundmi, ka qenë nëna e saj, Vera, e cila ka zbuluar detaje rreth fillimit të karrierës së saj dhe madje se si është Rita brenda shtëpisë.

“Unë si nënë e ka përjetuar në një mënyrë më specifike sepse kam parë se Rita ka një talent. Mirëpo thosha se si çdo fëmijë, këndon bukur, është shumë e gjallë dhe kishte shumë dëshirë për të performuar. Por unë mendoja ‘Ok, mjaft Rita’. Pastaj e morën në një prezantim të shkollës për festën e Krishtlindjeve.

Kishte marrë një rol kryesor në këndimin në shfaqje. Unë e kam pasur djalin shumë të vogël, 6 muajsh dhe kur ikëm atje i them bashkëshortit ‘Besnik kjo këndon shumë mirë’. Unë u befasova”, tha nëna e saj. Mirëpo, pavarësisht famës, Rita është një vajzë e thjeshtë kur vjen puna te familja.

“Rita tani kujdeset për neve, për motrën, vëllanë dhe rrethin e saj. Kur Rita vjen në shtëpi fama e saj mbyllet, nuk ka dallim mes fëmijëve të tjerë, duhet t’i lajë enët, banjën ta pastroj. Rita është e kuptueshme, ajo e gëzon thjeshtësie që familja i sjell, i duket më normale se atë që ka punë.

Unë i them Ritës që të gjithë jemi yje në profesionin tonë, ti e bën në publike por të gjithë jemi të njëjtë”, tha nëna e Ritës.

/abcnews.al