-1.2 C
Skopje

Longo: Bëmë gabime foshnjarake, nuk mund të marr përgjegjësi që nuk më takojnë

schedule22:01 – 29 Prill, 2022

“Nuk është e drejtë të flas për 7 mungesat, sepse sidomos për ata, por edhe për ata që luajtën sot. Është normale të humbasësh ndaj një ekipi me eksperiencë, që vjet fituan titullin, nëse bën kaq shumë gabime foshnjarake. Humbëm disa raste. Punojmë prej 9 muajsh, por pësuam në atë mënyrë golin e Dacit”, kështu e nisi deklaratën e tij trajneri i Kukësit, Diego Longo, pas humbjes 4-1 me Teutën.

Tekniku italian theksoi se kjo erdhi si pasojë e presionit që ndjejnë lojtarët dhe nuk po bëjnë dot lojën që bënin gjatë dy fazave të para.

“Kjo ndodh kur ka probleme me menaxhimin e presionit, pasi ka shumë presion që vjen nga mbrapa, por nuk do flas tani për ta. Kështu ndodh kur nuk ka kualitet. Kam kërkuar qetësi prej ditës së parë që erdha këtu, por askush nuk më ka dëgjuar. Kemi luajtur në mënyrë fantastike në dy fazat e para, sepse luanim pa presion. 

Nuk i kam afruar unë këta lojtarë, i ka ofruar Kukësi. Të gjithë gabojmë, jemi njerëzorë, por nuk mund të marr përsipër përgjegjësi që nuk i kam. Unë punoj për të mirën e klubit.

Nuk mund të them që ata që erdhën në merkaton e janarit nuk janë në nivelin e lojtarëve, por kur ka shumë gjëra këto janë rezultate që ndodhin”, përfundoi Longo. /f.a/abcnews.al