Kursi i denarit është stabil, rezervat devizore janë në nivel jashtëzakonisht solid dhe kemi kapacitet dhe hapësirë për të ruajtur stabilitetin e kursit devizor, tha zëvendësguvernatorja e Bankës Popullore, Ana Mitreska.
“Denari është i qëndrueshëm. Dua të përmend vetëm se duke pasur parasysh regjimin e kursit të këmbimit që kemi, ajo që është vendimtare për ne është tregu devizor dhe rezervat devizore. Deri më tani, të gjitha ndryshimet në rezervat devizore janë plotësisht në përputhje me pritjet tona. Niveli është i lartë, rreth 3.4 miliardë euro dhe më lejoni të theksoj se ky nivel është më i lartë se niveli që kishim në fillimet e pandemisë. Në fakt, pas gjithë parametrave të rezervave që ndjekim, ato janë adekuate dhe janë de fakto, pasqyrë e kapaciteteve tona për të ruajtur stabilitetin e kursit të këmbimit, tha Mitreska mbrëmë e ftuar në emisionin “Top Tema”. në televizionin Telma.
Ajo theksoi se Fondi Monetar Ndërkombëtar në raportin për ekonominë tonë thekson qartë dhe shprehimisht se kursi i këmbimit është plotësisht konsistent, jo vetëm me parametrat ekonomikë, por edhe me politikat e ndjekura dhe se nuk ka absolutisht nevojë për ndryshim të nivelit të kursit.
