Prokuroria Themelore Shkup ka lëshuar urdhëresë për zhvillimin e procedurës hetuese ndaj dy shoferëve që u aksidentuan në udhëkryqin mes Butelit dhe Shuto Orizares, duke e përplasur për vdekje një këmbësor 25-vjeçar. Nga Prokuroria thonë se ndaj të dy shoferëve ekziston dyshimi i bazuar se ka kryer vepër penale – vepra të rënda kundër sigurisë së njerëzve dhe pronës në komunikacion. Për njërin shofer është dorëzuar propozim për caktimin e masës arrest shtëpiak, ndërsa për tjetrin janë propozuar masa sigurie. Prokurori, përveç masës arrest shtëpiak, për të dyshuarin e parë propozoi konfiskim të përkohshëm të dokumentit të udhëtimit dhe patentë shoferit. Ndaj të dyshuarit të dytë janë propozuar masa përkujdesjeje – obligim që herë pas here të paraqitet te zyrtari i caktuar apo organi kompetent shtetëror, t’i konfiskohet përkohësisht dokumenti i udhëtimit dhe t’i caktohet ndalimi për dhënien e tij dhe heqja e përkohshme e patentë shoferit.
