3.8 C
Skopje

OKB-ja ndryshon emrin internacional të Turqisë, nga “Turkey” në “Turkiye”

Pas kërkesës së Ankarasë, Organizata e Kombeve të Bashkuara (OKB) ndryshoi emrin e Turqisë nga “Turkey” në “Turkiye” në gjuhët e huaja, transmeton Anadolu.

Zëdhënësi i Sekretarit të Përgjithshëm të OKB-së, Stephane Dujarric, tha se kanë marrë një letër nga ministri i Jashtëm turk Mevlut Çavusoglu drejtuar Sekretarit të Përgjithshëm Antonio Guterres për të ndryshuar emrin e Turqisë në gjuhë të huaj në “Turkiye”.

Dujarric deklaroi se ndryshimi i emrit të shtetit është efektiv që nga momenti i marrjes së letrës.

Më herët në Twitter, ministri Çavusoglu shkroi:

“Procesit që filluam nën udhëheqjen e presidentit tonë Rexhep Taip Erdogan për të rritur vlerën e markës së vendit tonë po i vjen fundi. Me letrën që i dërgova sot Sekretarit të Përgjithshëm të OKB-së, ne po regjistrojmë emrin e vendit tonë në gjuhë të huaja në OKB si ‘Turkiye’”.