24/05/2024

Risto Penov është një nga politikanët më të vjetër dhe më me eksperiencë në skenën politike që vazhdon të jetë aktiv. Ai u kthye në jetën politike pas një pasiviteti disavjeçar, si minister i Pushtetit Lokal

Në një intervistë të gjatë për indeks.mk Penov mes tjerash ka folur edhe për të kaluarën politike dhe ngjarjet e pas luftës.

Në një vlerësimin të dhënë gjatë prononcimit të tij, Penov ka thënë se kreu i integristëve, Ali Ahmeti që nga viti 2002, kontribuoi më së shumti për stabilitetin në Maqedoni dhe për këtë liri që jetojmë sot.

“Pavarësisht atyre pohimeve “shqiptarët na morën ekonominë, na morën Qeverinë dhe shtetin”, që nuk është e vërtetë dhe që nuk është asgjë e tmerrshme, tragjike, por në të gjithë faktorët dhe kur nuk e dëgjuam, p.sh., e kam fjalën për periudhën 2002 – 2006, kur ne ishim në disa dilema, ai do na kishte thënë se amerikanët janë partnerë strategjikë në këtë projekt, të mos devijojmë nga rruga. Ne që ishim më të rinj atëherë, jo më të rinj se ai, por, nga këndvështrimi i sotëm, kërkonim një mënyrë tipike maqedonase për t’i zgjidhur disa gjëra, siç po kërkojmë tani jo më bullgarë, me evropianë, por ne sikur të ishe ti faktor në atë vendimmarrje”, tha midis tjerash Penov në intervistën për indeks.mk.

Ai foli edhe për angazhimin e kreut të BDI-së në procesin më të rëndësishëm të shtetit, atë të integrimit në BE dhe procesin e ndryshimeve Kushtetuese.

“Shihni, unë e kuptoj “frikën” nga humbja e identitetit të qytetarëve, frika nga humbja është prezente, por nuk bëhet fjalë për këtë, me këto ndryshime nuk humbim asgjë dhe shoh ca sulme se për Ali Ahmetin, është lehtë për shqiptarët, identiteti i tyre nuk humbet. Shihni, nuk ka fat në asgjë, nëse një vend, shtet shpërbëhet, as për palën tjetër, dhe prandaj e kuptoj absolutisht kur thotë se është në interesin tonë të luftojmë bashkë. Kam vlerësim pozitiv është një person që duhet në këto momente dhe po të kthehem pas në këto 20 vite, edhe pse disa vendime, zgjidhje nuk më përshtaten që u zbatuan, shihet se sjellin dobi. Për çfarë po flas? Le të themi për ndarjen territoriale, unë isha viktimë politike, kur u ndez atmosfera nacionaliste, unë dola në zgjedhje i pari dhe humba, por atë ndarje territoriale, përfitimet e saj po i jetojmë sot, ne ende duhet të përmirësohemi, ne ende duhet të punojmë dhe të dyja palët për përfitime më të mëdha e të përbashkëta”, nënvizoi Penov.

Intervistën e plotë në të cilën ministri aktual flet për procesin e integrimeve në BE, procesin e Ndryshimeve Kushtetuese, bllokadat e VMRO-DPMNE-së në Kuvend, propagandën kundër Korridorit 8 dhe 10D, mund ta ndiqni në indeks.mk, sonte nga ora 20:00