14/04/2024

Së paku katër njerëz kanë vdekur nga një zjarr shumë i madh në një bllok të banesave të larta në qytetin lindor të Spanjës, Valencia, njoftuan shërbimet emergjente.

Zjarri e përfshiu bllokun banesor 14-katesh në lagjen Campanar dhe u përhap në një ndërtesë ngjitur.

Zjarrfikësit janë parë duke i shpëtuar njerëzit nga ballkonet e banesave. Besohet se 19 njerëz janë zhdukur gjatë zjarrit.

Zjarrfikësit duke luftuar për ta shuar zjarrin në një bllok banesor në Valencia, Spanjë, 22 shkurt 2024.
Zjarrfikësit duke luftuar për ta shuar zjarrin në një bllok banesor në Valencia, Spanjë, 22 shkurt 2024.

Së paku 14 njerëz, përfshirë gjashtë zjarrfikës dhe një fëmijë, janë lënduar.

Flaka e zjarrit u përhap si pasojë e erërave të forta, por ka dyshime se materiali i jashtëm i djegshëm i ndërtesave ia ka mundësuar zjarrit të përhapet me shpejtësi.

Më shumë se 20 ekipe të zjarrfikësve luftuan për ta shuar zjarrin dhe njerëzve u është kërkuar të rrinë larg kësaj zone.

Ndërtesa ka 138 banesa dhe në të banonin 450 njerëz, raportoi gazeta El Pais duke cituar menaxherin e ndërtesës./REL