-1.2 C
Skopje

“Thonë ‘he mo ça do të bëjë, do të këndojë’”, Rovena Dilo: Publiku shqiptar nuk paguan, do gjithçka falas


Rovena Dilo, e ftuar në emisionin “Aldo Morning Show” ka folur për tregun muzikor shqiptar duke thënë se artistët nuk vlerësohen në Shqipëri. Teksa po fliste për pagesat e artistëve, Rovena theksoi se në vendin tonë, njerëzit duan t’i kenë gjërat pa para, sidomos kur bëhet fjalë për muzikën.

“Tregu shqiptar në përgjithësi është një treg që nuk i mban mirë artistët e tij. Nka lidhje as me repin, as me hip hopin, as me baladat, as me pop music, as me rock music. Tregu shqiptar është një treg që nuk paguan. Publiku shqiptar është një publik që nuk është gati të paguajë për këngëtarët e tij dhe të huaj.

Publiku shqiptar është mësuar të marrë falas, të dëgjojë falas, të shikojë falas, të vijë me bileta shumë të lira, ka mundësi 2 mijë lekëshe, të vjetra? Në Shqipëri, njerëzit duan t’i kenë gjërat pa para, sidomos kur vjen fjala te muzika që është profesioni më i jashtëzakonshëm dhe më i vështirë të bëhet ashtu siç duhet.

Publiku duhet të dijë që të këndosh, të bësh një live, është puna më e vështirë, është marrëdhënia më e vështirë, me vokalin tënd që është instrumenti më i jashtëzakonshëm, me shpirtin tënd, me repertorin që do këndosh, marrëdhëniet me publikun, njerëzit, emocionet që duhet të japësh e marrësh nga ata.

Po të mendosh pakëz më gjerë se ngushtësia e një mendjeje “hë mo ça do bëjë, do këndojë?”, do kuptosh që të këndosh është një nga profesionet më të vështira. Është më e vështirë dhe më tutje se të aktrosh. Tani imagjinoje, këtë profesion e duan falas.

Është i vetmi vend në botë që do të dëgjojë muzikë, koncerte me shumë këngëtarë, falas. Nuk ka asnjë vend në botë, e them dhe kushdo që më dëgjon, edhe mund të më shajë, mund të mos jetë dakord, por unë po jua them sepse është gjynah, jemi një vend që nuk jemi të ndërgjegjësuar sepse nuk jemi mësuar.

Pra, jo ta duam muzikën, por ta duam aq shumë sa të jemi të gatshëm të paguajmë çdo kosto për të”, tha ajo.

/abcnews.al